Monday, September 1, 2008

ცოცხალი ჯაჭვის დღეა


დღეს, 1 სექტემბერს საქართველოში ცოცხალი ჯაჭვის დღეა. მილიონი მონაწილე სარფიდან დაწყებული ლაგოდეხით დამთავრებული ხელჩაკიდებული იდგა საქართველოს რუსეთის მიერ ოკუპაციის საწინააღმდეგოდ. ძალა მოვიკრიბე და .. არ წავედი ამ აქციაზე. რატომ?

ჩემი ბრაზი, ადრენალინი და წილი პატრიოტიზმი სხვა მომენტისთვის მჭირდება. მეშინია იმ მომენტამდე ასეთ ხმაურში არ დამეხარჯოს.

არა, საჭირო იყო, კარგი გამოვიდა, ხალხმა თავისი ძალა, მასშტაბი და მნიშვნელობა დაინახა. ეს კარგი იყო და მეც მადლობას ვეტყვი ჩემი სახელით ქუჩაში მდგარ ადამიანებს, მაგრამ..
მეშინია მათაც იმ მთავარი ნახტომისათვის ბრაზი არ დააკლდეთ.

რაც შეეხება შედეგების მოლოდინს.

თითქოს დღეს ევროპის ქვეყნების სამიტს რუსეთისათვის მკაცრი სანქციები უნდა გამოეტენა და ჩვენი აქცია საჭირო იყო ევროპის დასარწმუნებლად, კიდევ უფრო მკაცრი გამხდარიყო.

მე მგონი ცოტა არ იყოს მიამიტური მოლოდინი იყო.

რატომ?
იმიტომ რომ რუსეთი, არა მარტო მთავრობა -ფიურერები არამედ უბრალო ხალხიც არათუ ეკონომიკურ სანქციებს გაუძლებს, არამედ ყოველ საღამოს დიდ ჩაქუჩსაც ჩაირტყამს ცერა თითში , ოღონდ საქართველო იყოს ცუდად და ოღონდ აფხაზეთი იყოს მათი, ნუ სამხრეთ ოსეთიც არ აწყენთ.

ოპტიმიზმი მაინც არ მტოვებს.

ევროპამ დღევანდელ სამიტზე რუსეთი გაამტყუნა მაგრამ ხელების გადაგრეხვა არ დაუწყო.
მეტი თავგანწირვა ევროპისგან არც იყო საჭირო.
მე მგონი ევროპამ და ამერიკამ ზუსტად დაინახეს რომ რუსეთი უპირველესი მტერია და ამ მტრის გაუვნებელყოფას გათვლილი მრავალსვლიანი კომბინაცია დასჭირდება.

ეჭვი მაქვს რომ ევროპა ამერიკის სამიზნე ჯგუფი არა რუსეთის ბიუჯეტი ან ტანკებ-თვითმფრინავები, არამედ რუსეთის მოსახლეობა უნდა გახდეს.
ანუ რუსეთი შიდა პოლიტიკური ბრძოლის შედეგად უნდა გახდეს დემოკრატიული და სამართლიანი.

დღეს ეს უტოპიად ჟღერს. ხვალ შეიძლება რეალობა გახდეს.
ევროპის პირველი ნაბიჯია რუსმა დაინახოს რომ ევროპა მის პრეზიდენტ-პრემიერმინისტრს ამტყუნებს, მაგრამ ხალხს ველოსიპედის ბორბალში ჯოხს არ ჩრის.
ეს მხოლოდ პირველი ნაბიჯია.

გაგრძელება იქნება..

2 comments:

shematkivari said...

agvistos movlenebma, da mit ufro mati ert-erti shedegma - sakartvelos evropuli politikis obiektad kceva - kartul politikur sxeuls sxvebtan ertad kidev ert rtul amocanas adzlevs:

shevechviot rom "ukanaskneli da gadamtskveti brdzola" (Internacionali rogorc itkoda) agar ikneba. evropuli midgoma - tsveti xvrets kvas, procesi gansazgvravs shedegs.

tu chveni politikuri (ginemc sajaro) sxeuli (rashic politikur klass da mokalakeebs vgulisxmob) ver iguebs tamashis am tsess, "evropashi chven ver gagvigeben".

kartul sazogadoebas "gadamtskveti brdzolis" instinkti dzveli droidan mosdevs. "brdzolashi sificxe da adre simashvrale" - jer kidev rodis daitsera es sitkvebo rogorc ganacheni kartul [sabrdzolo] patriotizmisatvis. tavdacvaze da tvitgadarchenaze momartuli instinktebi unda chaanacvlos m[o]zardi saxelmstifos instinktebma.

amas dro unda, magram manamde - mivechviot evropis politikur enaze laparaks...

cartwheel said...

shematkivari


blogi jer ar gaqvs?