ტელეფონი

დღეის სწორს, კაცობრიობის ისტორიაში პირველად, ადამიანმა სატელეფონო ზარი განახორციელა.
პირველი ხმა, რომელიც ტელეფონით გადაიცა ტელეფონის გამომგონებელს, ალექსანდრ გრეჰემ ბელს ეკუთვნოდა. ეს იყო 1876 წელს, 10 მარტს.
ტელეფონმა მას შემდეგ ევოლუციის რთული გზა გაიარა და დღეისათვის, შეიძლება ითქვას, რომ ევოლუცია დაამთავრა.
თუკი რამ ფუნქცია შეუძლია ადამიანის ფანტაზიას მობილურს მიაწეროს, უკვე გამოგონილი და გაკეთებულია.
ჯიბეში მოთავსებულმა ტელეფონმა ჯადოსნური კვერთხის ფუნქციები შეითავსა:
ტელეფონი - ტელევიზორი,
ტელეფონი-ინტერნეტი,
ტელეფონი-ფოტო-ვიდეოკამერა,
ტელეფონი- ოფისი,
ტელეფონი- რვეული,
ტელეფონი-კომპიუტერი,
ტელეფონი-მაღვიძარა,
ტელეფონი-სათამაშო.

ფულის და მონდომების საქმეა, თორემ დღესვე შეგიძლია ტელეფონით აანთო გაზი და დაქოქო მანქანა, დააყენო ბინაში სასურველი ტემპერატურა ან მორწყა სათბური ოკეანის გადაღმა.





რამდენჯერმე მომიწია ერთდროულად 3 ტელეფონზე ლაპარაკი:
ჩემი მობილურზე, საავადმყოფოს ქალაქის და საავადმყოფოს შიდა ტელეფონებზე. კიდევ კარგი ორივე სიმი ერთ აპარატში მაქვს, თორემ იქნებ მეოთხესაც დაერეკა იმ დროს.
საჭიროა, ვაღიარებ.

მაგრამ ერთხელ 3 დღე რომ მქონდა გაფუჭებული, თავი კურორტზე მეგონა.